luni, 9 ianuarie 2012

cantec aroman mushat

SIGUR mi-a cantat mama intr-o alta viata in limba asta... :) O IUBESC!

"Spuni-nj bre gione ocljiu-ts di amurã

Tsi tsi-eshti tini un armãnash

Budzãli-ts roshi , mushata-ts gurã

S-mi-alash unoarã dultsi s-ti bash

Di cãndu gione ti vidzui prota

De-atumtsea mini greu lãndidzãi

Sh-de-atumtsea somnu fudzi di mini

Ca tseara arsã eu mi tukii


Itsido lucru tsi nj-iau tu mãnã

Spari lãi gione cã-i mãna ta
Sh-atumtsea lãcri ca dit fãntãnã
Curã bre gione pi fatsa mea

Haidi bre gione preaki s-nã fatsim

Un trup sh-un suflit doilji s-avem

Sh-aistã banã doilji noi s-u treatsim
Scafa di moarti doilji s-u bem

Tsi easti gione aistã tãtseari

Ocljii atsei lãi cãtse-i plicash

Ah nu-ai ti mini,ah nu ai vreari

Fudz fudz alasã, mi vãtãmash

Ascultã tini featã mãratã

Shtiu cã mi vrei shi cã-nj ports dor

Tsi s-fac sclav escu, inima nj-i datâ

Giurai pi crutsi cu altã ta s-mor

Aistã easti a mea tãtseari

Ocljii atsei lãi tsi i-aplicai

Ah nu-am ti tini, ah nu am vreari

Ma s-vrei shi frati sh-sorã s-mi ai

Ah nu-am ti tini, ah nu am vreari

Ma s-vrei shi frati sh-sorã s-mi ai"

2 comentarii: